15 апрельыште С. Г. Чавайн лӱмеш калыкле книгагудышто кумдан палыме краевед, туныктышо Дина Михайловна Рычкова дене вашлиймаш лийын. Тудо Марий талешке кече вашеш эртаралтын.
Дина Михайловна чылажге кумло утла книгам савыктен. Кажне книгаже патриотизм шӱлышан, шочмо элнам йӧраташ ӱжшӧ кумылан улыт. Авторын пытартыш ийлаште лекше: «Воины Отечества» серийыш пурышо вич книга, «Память», «Волонтёры Победы», «Тачысе пагытын Талешкыже-влак»
2024 ий мучаште автор «Воины Отечества» серийыш пурышо вич книгам савыктен луктын. Тушко Д. М. Рычкован тунемшыже, лӱмын эртарыме сар опрецийыште кучедалше солдат-влак нерген ача-аваштын, йолташ, командир, сослуживец-влакын шарнымашыштым пуртымо. Тыгак авторын, руш поэт-влакын патриотизм шӱлышан почеламут-влакым вераҥдыме.
