Шергакан йолташ-влак, ме таче тендам кок модыш дене палдарена.
«Мызгир эҥыремыш» модышлан кугу мече кӱлеш. Тидлан футбол але волейбол камерым келыштараш лиеш. Модшо-влак ик турашке погынен шогалытат, мечым кӱшкӧ кудалтат. Тидын годым чыланат кошарварняшт дене, мечым кӱшкӧ да кӱшкӧ нӧлтал, шӱкал колтат. Мечым мландывак пуртен колтымо ок кӱл. Мече кӧн кид гыч камвозеш, тудым чыланат «Мызгир» маныт. Кум-ныл гана тыге манмеке, мече адак вуй тураште кушташ тӱҥалеш…
«Нийым шупшын» модыш.
Вӱдышӧ икмыняр тасмам але кандырам кучен толеш. Вӱдышӧ манеш:
– «Нийым шупшын» модыш дене модаш жап шуын. Пален налнена: кӧ кӧм чот йӧрата. Могай мужыр гыч тӱҥгалына? Ӱдыр ден рвезе, толза, ончыч тендам тергена!
Вӱдышӧ тасмам кок могырыш шуен кучен шога. Ӱдыр ден рвезе кок могырым тасма мучашым шупшыт. Коктынат ик тасмам шупшыт гын, шупшалалтшаш улыт. Ынешт шупшалалт гын, мурым мурышаш, куштышаш але иктаж оҥайым ыштышаш улыт. Молышт мо шонымыштым ойлат.
Модса йолташда-влак дене, ешда дене пырля модса!
Источник фото: https://mariuver.eu/2023/10/18/mari-podvizhnyje-igry/?amp=1
