1987 ийыште, марий писатель-влакын сылнымут пашаштым кӱкшын аклен, Совет правительстве «Ончыко» журналым «Знак Почёта» орден дене палемден. Тидыже тӱҥ редакторлан А. М. Юзыкайнын шогымо жапыште лийын. Шукышт шарнат: журналын эртыме корныжым, суапле пашажым Москолан иктешлен ончыктышо документым ямдылыме годым Александр Михайлович кугу тыршымашым, вийым пыштен. Журналын тистышкыже элын наградыжым Соцпаша Герой, поэт да драматург, кугыжаныш гимнын ончычсо да кызытсе шомакшын авторжо Сергей Михалков пижыктен.
Кучылтмо литератур:
Зайниев Г. З. Илыш муро : марий сылнымут : ий да еҥ-влак / Г. З. Зайниев. – Йошкар-Ола : МПИК сав., 2006. – 303 с.
Материалым краеведений пӧлкан пашаеҥже А. В. Иванова ямдылен
