15 апрельыште 10 шагатлан С. Г. Чавайн лӱмеш калыкле книгагудын краеведений пӧлкаштыже кумдан палыме краевед, писатель, туныктышо Дина Михайловна Рычкова дене вашлиймаш лиеш. Тудо Марий талешке кечылан пӧлеклалтеш.
Дина Михайловнан творчествыже самырык тукымым героизм да патриотизм шӱлыш дене куштымашке виктаралтын. Авторын произведенийже-влак айдеме чонын духовно-нравственный моторлыкшым моктат, шке шочмо мландым аралаш да йӧраташ кумылаҥдат.
Вашлиймаште Д. М. Рычкован творчествыже дене палыме лийын, тыгак тудын тунемшыже – лӱмын эртарыме сар операцийын участникше-влак нерген поро шарнымашым колын кертыда.
Кумылан-влакым усталык вашлиймашке пагален ӱжына!
