Пеледыш тылзын 19 да 20 кечылаштыже Йошкар-Олаште марий калыкын ик эн йӧратыме пайремже – «Пеледыш пайрем» эртаралтеш. Тений пайрем Российысе калык-влакын икоян улмо идалыклан пӧлеклалтеш. Тӱҥ мероприятий-влак: творческий коллектив-влакын мастарлыкышт, концерт да тематический площадке-влак, калык кидпаша ярмиҥга, ончер, мастар-класс, йоча модыш да спорт площадке-влак – йӱла почеш Марий паркыште эрташ тӱҥалыт.
Пайрем кышкарыште, 20 июньышто, С. Г. Чавайн лӱмеш калыкле книгагудо «Марий книга сандалык» площадкышкыже пагален ӱжеш. Уна-влаклан тӱрлӧ модышым, оҥай викториным, мастар-классым, фотозоным да «Пелед, тӱзлане, Марий Эл!» лӱман книга ончерым ямдылыме.
Марий кундемын тӱвыра да сылнымут поянлыкше дене палыме лияш кумылан-влакым книгагудын площадкыштыже вучена!
