28 апрельыште 16 шагатлан С. Г. Чавайн лӱмеш калыкле книгагудын конференц-залыштыже «Марий краевед» клубын черетан погынымашыже лиеш. Погынымаш Марий краеведений обществын 100 ияш лӱмгечыжлан да Марий талешке кечылан пӧлеклалтеш.
Марий краеведений общество 1926 ий 27 апрельыште шочын. Обществын бюрожын членжылан В. А. Мухиным, Е. П. Ермаковым, В. М. Васильевым, М. П. Пайбердиным, А. В. Спасскийым да молымат сайленыт. Обществын членже-влак историй, археологий, этнографий, фольклор, искусство, языкознаний, литературоведений, демографий да экологий дене кылдалтше йодыш-влакым шымленыт. Обществе Москвасе, Ленинградысе шанче учреждений, пошкудо область ден республик-влакын краеведений организацийышт, тыгак йот элласе шанче рӱдер-влак дене пеҥгыде кылым кучен.
Клубын погынымашыштыже краеведений обществын историйже, кызытсе жапыште краеведений толкын виянме нерген доклад-влак йоҥгалтыт.
Кумылан-влакым пагален ӱжына!
