Шорыкйол тылзын кумшо кечыже – Российыште издер дене мунчалтыме кече.
Шергакан йолташ-влак, ме таче тендам телымсе модыш-влак дене палдарена.
«ТЫРТЫШ ПӦРДЫШ» («КОЛЕСО»). Тиде модыш дене телым модыт. Тудым тыге ямдылат: ик метр кужытан, лу сантиметр кӱжгытан ломашым налыт. Тудын ик мучашыжым лумеш кылмыктен шындат. Тиде ломаш мучашке орва тыртышым чиктат. Орва диаметр гоч иктаж лу метр кутышан вичкыжрак варам пидын шындат. Варан кок мучашкыже издерым кылдат.
Кок йоча издерыш шинчеш, молышт тыртышым пӧрдыктат.
«ИЗДЕР ДЕНЕ» («ЛОШАДЬ И ЯМЩИК»).
Издер дене телым гына мунчалтат, лум уке гын, модышат уке. Йоча-влак кок тӱшкалан шелалтыт. Кажне кашакше мужыр дене шогалеш. Йыгыре шогышо гыч иктыже имне лиеш, весыже – ямщик. Сигнал почеш кок тӱшка гычат ончылно шогышо имне-влак палемдыме вер марте ямщикла шупшын каят. Мӧҥгеш толмо годым рольыштым вашталтат. Вара нунын олмеш вес мужыр лектеш. Вара – кумшо. Могай кашакше гыч пытартыш мужыр эн ончыч толын шуэш – тудо тӱшка сеҥышыш лектеш.
Модса йолташда-влак дене, ешда дене пырля модса!
